ﻭﻓﺎﻗﯽ ﻭﺯﯾﺮ ﺍﻃﻼﻋﺎﺕ ﻭ ﻧﺸﺮﯾﺎﺕ ﻓﻮﺍﺩ ﭼﻮﮨﺪﺭﯼ ﺍﻭﺭ ﺳﺎﺑﻖ ﻭﺯﯾﺮ ﻣﻨﺼﻮﺑﮧ ﺑﻨﺪﯼ ﻭ ﺗﺮﻗﯽ ﺍﺣﺴﻦ ﺍﻗﺒﺎﻝ ﮐﮯ ﺩﺭﻣﯿﺎﻥ ﺳﯽ ﭘﯿﮏ ﻣﻨﺼﻮﺑﮯ ﮐﮯ ﺣﻮﺍﻟﮯ ﺳﮯ ﭨﻮﺋﭩﺮ ﭘﺮ ﻣﮑﺎﻟﻤﮧ ﮨﻮﺍ ۔ﺍﺣﺴﻦ ﺍﻗﺒﺎﻝ ﻧﮯ ﺳﻮﺍﻝ ﮐﯿﺎ ﮐﮧ ﺳﯽ ﭘﯿﮏ ﻣﯿﮟ ﺳﻌﻮﺩﯼ ﻋﺮﺏ ﮐﻮ ﺷﺎﻣﻞ ﮐﺮﻧﮯ ﺳﮯ ﻗﺒﻞ ﮐﯿﺎ ﭼﯿﻦ ﮐﻮ ﺍﻋﺘﻤﺎﺩ ﻣﯿﮟ ﻟﯿﺎ ﮔﯿﺎ؟ ۔ ﺟﺲ ﮐﮯ ﺟﻮﺍﺏ ﻣﯿﮟ ﻓﻮﺍﺩ ﭼﻮﮨﺪﺭﯼ ﻧﮯ ﮐﮩﺎ ﮐﮧ ﺳﯽ ﭘﯿﮏ ﻣﯿﮟ ﺳﻌﻮﺩﯼ ﻋﺮﺏ ﮐﻮ ﺷﺮﺍﮐﺖ ﺩﺍﺭ ﺑﻨﺎﻧﮯ ﭘﺮ ﭼﯿﻦ ﮐﻮ ﺍﻋﺘﻤﺎﺩ ﻣﯿﮟ ﻟﯿﺎ ﮔﯿﺎ ﮨﮯ۔ﺳﯽ ﭘﯿﮏ ﻣﯿﮟ ﺗﻮﺳﯿﻊ ﭘﺎﮐﺴﺘﺎﻥ ﺍﻭﺭ ﭼﯿﻦ ﮐﮯ ﻣﻔﺎﺩ ﻣﯿﮟ ﮨﮯ۔ﺍﻧﮩﻮﮞ ﻧﮯ ﻣﺰﯾﺪ ﮐﮩﺎ ﮐﮧ ﭘﺎﮐﺴﺘﺎﻥ ﻣﻌﺎﺷﯽ ﺳﺮﮔﺮﻣﯽ ﮐﺎ ﻣﺮﮐﺰ ﺑﻨﮯ ﮔﺎ، ﺗﺎﺭﯾﮏ ﺩﻭﺭ ﺧﺘﻢ ﮨﻮﮔﯿﺎ۔ﻋﻼﻭﮦ ﺍﺯﯾﮟ ﺍﯾﮏ ﻧﺠﯽ ﭨﯽ ﻭﯼ ﺳﮯ ﮔﻔﺘﮕﻮ ﮐﺮﺗﮯ ﮨﻮﺋﮯ ﻭﺯﯾﺮ ﺍﻃﻼﻋﺎﺕ ﻭ ﻧﺸﺮﯾﺎﺕ ﻓﻮﺍﺩ ﭼﻮﮨﺪﺭﯼ ﻧﮯ ﮐﮩﺎ ﮐﮧ ﺑﮭﺎﺭﺕ ﻧﮯ ﺩﻭﻧﻮﮞ ﻣﻤﺎﻟﮏ ﮐﮯ ﻭﺯﺭﺍﺋﮯ ﺧﺎﺭﺟﮧ ﮐﮯ ﺩﺭﻣﯿﺎﻥ ﻃﮯ ﺷﺪﮦ ﻣﻼﻗﺎﺕ ﻣﻨﺴﻮﺥ ﮐﺮ ﮐﮯ ﻣﻨﻔﯽ ﺳﻮﭺ ﮐﺎ ﺛﺒﻮﺕ ﺩﯾﺎ ﮨﮯ، ﮨﻢ ﻧﮯ ﻣﺬﺍﮐﺮﺍﺕ ﮐﮯ ﻟﺌﮯ ﺍﭘﻨﺎ ﮨﺎﺗﮫ ﺑﮍﮬﺎﯾﺎ ﮨﮯ ﻟﯿﮑﻦ ﺑﮭﺎﺭﺕ ﻧﮯ ﺍﭘﻨﺎ ﮨﺎﺗﮫ ﮐﮭﯿﻨﭻ ﻟﯿﺎ ، ﻋﺎﻟﻤﯽ ﺳﻄﺢ ﭘﺮ ﺑﮭﺎﺭﺕ ﮐﺎ ﭼﮩﺮﮦ ﺑﮯ ﻧﻘﺎﺏ ﺍﻭﺭ ﭘﺎﮐﺴﺘﺎﻥ ﮐﺎ ﻣﺜﺒﺖ ﺗﺸﺨﺺ ﺍﺟﺎﮔﺮ ﮨﻮﺍ ﮨﮯ، ﺑﮭﺎﺭﺕ ﮐﻮ ﯾﮧ ﮔﻠﮧ ﺭﮨﺘﺎ ﺗﮭﺎ ﮐﮧ ﭘﺎﮐﺴﺘﺎﻥ ﮐﯽ ﻓﻮﺝ ﺍﻭﺭ ﺳﻮﻝ ﺣﮑﻮﻣﺖ ﮐﯽ ﭘﺎﻟﯿﺴﯿﺎﮞ ﻣﺨﺘﻠﻒ ﮨﯿﮟ ﻟﯿﮑﻦ ﮨﻤﺎﺭﯼ ﺣﮑﻮﻣﺖ ﺍﻭﺭ ﻓﻮﺝ ﮐﯽ ﺍﯾﮏ ﺳﻮﭺ ﮨﮯ، ﺍﮔﺮ ﺍﺏ ﮨﻢ ﺁﭖ ﮐﯽ ﻃﺮﻑ ﺍﻣﻦ ﮐﮯ ﻟﺌﮯ ﮨﺎﺗﮫ ﺑﮍﮬﺎ ﺭﮨﮯ ﮨﯿﮟ ﺗﻮ ﯾﮧ ﻣﻮﻗﻊ ﮨﮯ ﺟﮩﺎﮞ ﭘﺮ ﺍﻣﻦ ﮐﯽ ﺑﺎﺕ ﮐﻮ ﺁﮔﮯ ﺑﮍﮬﺎﻧﺎ ﭼﺎﮨﯿﮯ۔ﭘﮩﻠﯽ ﺩﻓﻌﮧ ﯾﮧ ﮨﻮﺍ ﮨﮯ ﮐﮧ ﺍﻥ ﮐﯽ ﻗﻠﻌﯽ ﮐﮭﻞ ﮔﺌﯽ ﮨﮯ۔ ﮨﻢ ﺍﻣﻦ ﮐﯽ ﺗﺎﻟﯽ ﺑﺠﺎﻧﺎ ﭼﺎﮨﺘﮯ ﮨﯿﮟ ﮨﻢ ﺍﭘﻨﺎ ﮨﺎﺗﮫ ﺑﮍﮬﺎ ﺭﮨﮯ ﮨﯿﮟ، ﺑﮭﺎﺭﺕ ﻧﮯ ﭘﮭﺮ ﺍﭘﻨﺎ ﮨﺎﺗﮫ ﮐﮭﯿﻨﭽﺎ ﮨﮯ، ﻭﺯﯾﺮﺍﻋﻈﻢ ﻧﮯ ﺣﻠﻒ ﻟﯿﻨﮯ ﺳﮯ ﭘﮩﻠﮯ ﺍﭘﻨﯽ ﺗﻘﺮﯾﺮ ﻣﯿﮟ ﮐﮩﺎ ﮐﮧ ﺁﭖ ﺍﯾﮏ ﻗﺪﻡ ﺑﮍﮬﺎﺋﯿﮟ ﮨﻢ ﺩﻭ ﻗﺪﻡ ﺑﮍﮬﺎﺋﯿﮟ ﮔﮯ، ﮨﻢ ﻧﮯ ﻭﺯﯾﺮﺍﻋﻈﻢ ﮐﯽ ﺣﻠﻒ ﺑﺮﺩﺍﺭﯼ ﮐﯽ ﺗﻘﺮﯾﺐ ﻣﯿﮟ ﮐﭙﻞ ﺩﯾﻮ، ﻧﺠﻮﺕ ﺳﺪﮬﻮ ﺍﻭﺭ ﮔﻮﺍﺳﮑﺮ ﮐﻮ ﻣﺪﻋﻮ ﮐﯿﺎ ﻟﯿﮑﻦ ﻧﺠﻮﺕ ﺳﺪﮬﻮ ﯾﮩﺎﮞ ﺁﯾﺎ۔ ﺍﺱ ﮐﮯ ﺳﺎﺗﮫ ﺑﮭﺎﺭﺕ ﻣﯿﮟ ﺟﻮ ﮨﻮ ﺭﮨﺎ ﮨﮯ ﻭﮦ ﺳﺐ ﮐﮯ ﺳﺎﻣﻨﮯ ﮨﮯ۔ ﺁﺭﻣﯽ ﭼﯿﻒ ﻧﮯ ﯾﺎﺗﺮﯾﻮﮞ ﮐﯽ ﺳﮩﻮﻟﺖ ﮐﮯ ﻟﺌﮯ ﮐﺮﺗﺎﺭﭘﻮﺭ ﺑﺎﺭﮈﺭ ﮐﮭﻮﻟﻨﮯ ﮐﺎ ﺍﻋﻼﻥ ﮐﯿﺎ۔ ﯾﮧ ﺑﮭﺎﺭﺗﯽ ﭘﻨﺠﺎﺏ ﮐﯽ ﺳﮑﮫ ﮐﻤﯿﻮﻧﭩﯽ ﮐﮯ ﻟﺌﮯ ﺑﮍﺍ ﺍﻗﺪﺍﻡ ﺗﮭﺎ۔ ﻣﯿﮟ ﻧﮯ ﺑﮭﯽ ﺍﭘﻨﮯ ﺍﻧﭩﺮﻭﯾﻮﺯ ﻣﯿﮟ ﮐﮩﺎ ﮐﮧ ﮨﻢ ﺍﺱ ﺑﺎﺭﮈﺭ ﮐﻮ ﮐﮭﻮﻟﻨﮯ ﮐﮯ ﻟﺌﮯ ﺗﯿﺎﺭ ﮨﯿﮟ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﻭﺯﯾﺮ ﺧﺎﺭﺟﮧ ﺷﺎﮦ ﻣﺤﻤﻮﺩ ﻗﺮﯾﺸﯽ ﺍﻗﻮﺍﻡ ﻣﺘﺤﺪﮦ ﮐﯽ ﺟﻨﺮﻝ ﺍﺳﻤﺒﻠﯽ ﮐﮯ ﺍﺟﻼﺱ ﻣﯿﮟ ﺷﺮﮐﺖ ﮐﮯ ﻣﻮﻗﻊ ﭘﺮ ﻣﺨﺘﻠﻒ ﻣﻤﺎﻟﮏ ﮐﮯ ﻭﺯﺭﺍﺋﮯ ﺧﺎﺭﺟﮧ ﺳﮯ ﻣﻼﻗﺎﺗﯿﮟ ﮐﺮﯾﮟ ﮔﮯ۔ ﺍﺱ ﺗﻨﺎﻇﺮ ﻣﯿﮟ ﻭﺯﯾﺮﺍﻋﻈﻢ ﻋﻤﺮﺍﻥ ﺧﺎﻥ ﻧﮯ ﺯﻭﺭ ﺩﯾﺎ ﺗﮭﺎ ﮐﮧ ﭘﺎﮎ ﺑﮭﺎﺭﺕ ﻭﺯﺭﺍﺋﮯ ﺧﺎﺭﺟﮧ ﮐﯽ ﻣﻼﻗﺎﺕ ﮨﻮﻧﯽ ﭼﺎﮨﯿﮯ، ﺟﺲ ﮐﻮ ﮐﻞ ﺑﮭﺎﺭﺕ ﻧﮯ ﻣﺎﻥ ﻟﯿﺎ ﮐﮧ ﺍﺱ ﻣﻮﻗﻊ ﭘﺮ ﻣﻼﻗﺎﺕ ﮨﻮﮔﯽ ﻟﯿﮑﻦ ﻟﮓ ﺭﮨﺎ ﮨﮯ ﮐﮧ ﮨﻨﺪﻭﺳﺘﺎﻥ ﮐﯽ ﺣﮑﻮﻣﺖ ﺗﻘﺴﯿﻢ ﮐﺎ ﺷﮑﺎﺭ ﮨﮯ، ﺁﺩﮬﮯ ﻟﻮﮒ ﻣﺬﺍﮐﺮﺍﺕ ﮐﮯ ﺣﺎﻣﯽ ﮨﯿﮟ ﺍﻭﺭ ﺁﺩﮬﮯ ﺷﺪﺕ ﭘﺴﻨﺪ ﻟﻮﮒ ﻣﺬﺍﮐﺮﺍﺕ ﻧﮩﯿﮟ ﭼﺎﮨﺘﮯ، ﻭﮦ ﻏﯿﺮ ﺳﻨﺠﯿﺪﮔﯽ ﮐﺎ ﻣﻈﺎﮨﺮﮦ ﮐﺮ ﺭﮨﮯ ﮨﯿﮟ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﺍﻣﺮﯾﮑﯽ ﻭﺯﯾﺮ ﺧﺎﺭﺟﮧ ﻣﺎﺋﯿﮏ ﭘﻮﻣﭙﯿﻮ ﮐﮯ ﺩﻭﺭﮦ ﭘﺎﮐﺴﺘﺎﻥ ﮐﮯ ﺑﻌﺪ ﺍﻣﺮﯾﮑﯽ ﻭﺯﺍﺭﺕ ﺩﻓﺎﻉ ﮐﺎ ﺍﮨﻢ ﺑﯿﺎﻥ ﺳﺎﻣﻨﮯ ﺁﯾﺎ ﮐﮧ ﻭﮦ ﺍﻓﻐﺎﻧﺴﺘﺎﻥ ﻣﯿﮟ ﭘﺎﮐﺴﺘﺎﻥ ﮐﻮ ﺍﮨﻢ ﺷﺮﺍﮐﺖ ﺩﺍﺭ ﺳﻤﺠﮭﺘﮯ ﮨﯿﮟ ﺍﻭﺭ ﻭﮦ ﺍﺱ ﮐﮯ ﺣﻞ ﻣﯿﮟ ﺍﮨﻢ ﮐﺮﺩﺍﺭ ﺍﺩﺍ ﮐﺮ ﺳﮑﺘﺎ ﮨﮯ، ﻟﮕﺘﺎ ﮨﮯ ﮐﮧ ﺍﻣﺮﯾﮑﮧ ﻧﮯ ﺍﭘﻨﯽ ﺳﻮﭺ ﺗﺒﺪﯾﻞ ﮐﯽ ﮨﮯ، ﺍﮔﺮ ﺑﮭﺎﺭﺕ ﺍﭘﻨﯽ ﺳﻮﭺ ﺗﺒﺪﯾﻞ ﻧﮩﯿﮟ ﮐﺮﻧﺎ ﭼﺎﮨﺘﺎ ﺗﻮ ﯾﮧ ﺍﺱ ﮐﯽ ﻣﺮﺿﯽ ﮨﮯ۔ ﮨﻨﺪﻭﺳﺘﺎﻥ ﺍﻭﺭ ﭘﺎﮐﺴﺘﺎﻥ ﻣﯿﮟ ﺩﻭ ﻃﺒﻘﺎﺕ ﮨﯿﮟ، ﺩﻭﻧﻮﮞ ﻣﻤﺎﻟﮏ ﻣﯿﮟ ﺍﯾﮏ ﻃﺒﻘﮧ ﭼﺎﮨﺘﺎ ﮨﮯ ﮐﮧ ﺣﺎﻻﺕ ﭘﺮ ﻣﻌﻤﻮﻝ ﭘﺮ ﺭﮨﯿﮟ ﺟﺒﮑﮧ ﺩﻭﺳﺮﺍ ﻃﺒﻘﮧ ﺍﺱ ﮐﺎ ﺣﺎﻣﯽ ﻧﮩﯿﮟ ﮨﮯ۔ ﻗﯿﺎﺩﺕ ﮐﺎ ﮐﺎﻡ ﮨﮯ ﮐﮧ ﻭﮦ ﮐﻦ ﻃﺒﻘﺎﺕ ﮐﻮ ﻣﻀﺒﻮﻁ ﮐﺮﻧﺎ ﭼﺎﮨﺘﯽ ﮨﮯ ﺍﻭﺭ ﮐﻦ ﻃﺒﻘﺎﺕ ﮐﻮ ﻧﻈﺮ ﺍﻧﺪﺍﺯ ﮐﺮﺗﯽ ﮨﮯ، ﮨﻢ 70 ﺳﺎﻝ ﺳﮯ ﻟﮍ ﺭﮨﮯ ﮨﯿﮟ۔ ﭘﺎﮐﺴﺘﺎﻧﯽ ﭘﺮﭼﻢ ﮐﯽ ﻋﻈﻤﺖ ﮐﮯ ﻟﺌﮯ ﻻﮐﮭﻮﮞ ﻟﻮﮒ ﺷﮩﯿﺪ ﮨﻮﺋﮯ ﮨﯿﮟ، ﮨﻤﺎﺭﮮ ﻟﺌﮯ ﺍﭘﻨﮯ ﻣﻠﮏ ﮐﯽ ﻋﺰﺕ ﻭ ﺍﺣﺘﺮﺍﻡ ﺳﮯ ﺑﮍﮪ ﮐﺮ ﮐﭽﮫ ﻧﮩﯿﮟ ﮨﮯ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﭘﺎﺭﻟﯿﻤﻨﭧ ﮐﺎ ﮐﺎﻡ ﭘﺎﻟﯿﺴﯽ ﺳﺎﺯﯼ ﮨﮯ۔ ﻭﺯﯾﺮﺍﻋﻈﻢ ﻧﮯ ﺣﺎﻻﺕ ﮐﻮ ﻣﻌﻤﻮﻝ ﭘﺮ ﻻﻧﮯ ﮐﯽ ﭘﺎﻟﯿﺴﯽ ﺩﯼ ﮨﮯ، ﭘﺎﮐﺴﺘﺎﻧﯽ ﻣﻌﺘﺒﺮ ﻗﻮﻡ ﮨﯿﮟ، ﺑﮭﺎﺭﺕ ﻣﯿﮟ ﺍﻧﺘﺨﺎﺑﺎﺕ ﻗﺮﯾﺐ ﮨﯿﮟ، ﻭﮨﺎﮞ ﭘﺎﮐﺴﺘﺎﻥ ﻣﺨﺎﻟﻒ ﻧﻌﺮﮦ ﺑﮑﺘﺎ ﮨﮯ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﺳﯽ ﭘﯿﮏ ﺳﮯ ﮔﻮﺍﺩﺭ ﺍﻭﺭ ﮐﺮﺍﭼﯽ ﺍﻗﺘﺼﺎﺩﯼ ﺳﺮﮔﺮﻣﯿﻮﮞ ﮐﺎ ﻣﺮﮐﺰ ﺑﻦ ﺟﺎﺋﯿﮟ ﮔﮯ، ﺍﻥ ﺩﻭ ﺑﻨﺪﺭﮔﺎﮨﻮﮞ ﮐﯽ ﮐﻨﯿﮑﭩﯿﻮﯾﭩﯽ ﺳﮯ ﺩﯾﮕﺮ ﺑﻨﺪﺭﮔﺎﮨﻮﮞ ﭘﺮ ﺍﻧﺤﺼﺎﺭ ﮐﻢ ﮨﻮ ﺟﺎﺋﮯ ﮔﺎ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﺧﻄﮯ ﮐﮯ ﮐﺮﻭﮌﻭﮞ ﻟﻮﮒ ﻏﺮﺑﺖ ﮐﯽ ﻟﮑﯿﺮ ﺳﮯ ﻧﯿﭽﮯ ﺯﻧﺪﮔﯽ ﮔﺰﺍﺭ ﺭﮨﮯ ﮨﯿﮟ، ﺍﺏ ﮨﻤﯿﮟ ﺩﯾﮑﮭﻨﺎ ﮨﮯ ﮐﮧ ﮨﻤﯿﮟ ﺟﻨﮓ ﮐﺮﻧﯽ ﮨﮯ ﯾﺎ ﺍﻥ ﮐﺎ ﻣﺴﺘﻘﺒﻞ ﺑﮩﺘﺮ ﺑﻨﺎﻧﺎ ﮨﮯ۔ ﻋﻤﺮﺍﻥ ﺧﺎﻥ ﺗﺮﮐﯽ، ﺑﮭﺎﺭﺕ ﺍﻭﺭ ﺳﻌﻮﺩﯼ ﻋﺮﺏ ﺳﻤﯿﺖ ﺩﯾﮕﺮ ﻣﻤﺎﻟﮏ ﮐﮯ ﺳﺎﺗﮫ ﻣﻠﮑﯽ ﺳﻄﺢ ﭘﺮ ﺑﺎﺕ ﮐﺮﺗﮯ ﮨﯿﮟ ﺟﺒﮑﮧ ﻧﻮﺍﺯ ﺷﺮﯾﻒ ﺟﻨﺪﻝ ﺟﯿﺴﮯ ﺍﺭﺏ ﭘﺘﯿﻮﮞ ﺳﮯ ﺭﺍﺑﻄﮯ ﺭﮐﮭﺘﮯ ﮨﯿﮟ، ﺟﺐ ﺁﭖ ﺍﭘﻨﮯ ﺫﺍﺗﯽ ﻣﻔﺎﺩ ﮐﻮ ﻣﻠﮑﯽ ﻣﻔﺎﺩ ﭘﺮ ﺗﺮﺟﯿﺢ ﺩﯾﺘﮯ ﮨﯿﮟ ﺗﻮ ﺍﺱ ﺳﮯ ﻣﺴﺎﺋﻞ ﭘﯿﺪﺍ ﮨﻮﺗﮯ ﮨﯿﮟ۔ ﭘﺎﮐﺴﺘﺎﻧﯽ ﻓﻮﺝ ﮐﯽ ﺳﻮﭺ ﻣﺼﺎﻟﺤﺎﻧﮧ ﺍﻭﺭ ﺍﻣﻦ ﭘﺮ ﻣﺒﻨﯽ ﮨﮯ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﺑﮭﺎﺭﺕ ﻧﮯ ﺍﻗﻮﺍﻡ ﻣﺘﺤﺪﮦ ﮐﯽ ﺟﻨﺮﻝ ﺍﺳﻤﺒﻠﯽ ﮐﮯ ﺍﺟﻼﺱ ﮐﮯ ﻣﻮﻗﻊ ﭘﺮ ﻭﺯﺭﺍﺋﮯ ﺧﺎﺭﺟﮧ ﮐﯽ ﻃﮯ ﺷﺪﮦ ﻣﻼﻗﺎﺕ ﺟﻮ ﻣﻨﺴﻮﺥ ﮐﯽ ﮨﮯ ﺍﺱ ﮐﻮ ﺩﻧﯿﺎ ﺩﯾﮑﮫ ﺭﮨﯽ ﮨﮯ، ﺑﮭﺎﺭﺕ ﮐﮯ ﺍﻧﺪﺭﻭﺗﯽ ﺍﺧﺘﻼﻓﺎﺕ ﮐﮭﻞ ﮐﺮ ﺳﺎﻣﻨﮯ ﺁ ﮔﺌﮯ ﮨﯿﮟ، ﺍﺱ ﺍﻗﺪﺍﻡ ﺳﮯ ﭘﺎﮐﺴﺘﺎﻥ ﮐﺎ ﻣﺜﺒﺖ ﺗﺸﺨﺺ ﺍﺟﺎﮔﺮ ﮨﻮﺍ ﮨﮯ۔ ﭘﺎﮐﺴﺘﺎﻥ ﺁﺝ ﺗﺎﺭﯾﺦ ﮐﯽ ﺩﺭﺳﺖ ﺭﺍﮦ ﭘﺮ ﮐﮭﮍﺍ ﮨﮯ، ﺩﻧﯿﺎ ﮐﮩﮧ ﺭﮨﯽ ﮨﮯ ﮐﮧ ﭘﺎﮐﺴﺘﺎﻥ ﺍﻣﻦ ﮐﺎ ﮨﺎﺗﮫ ﺑﮍﮬﺎ ﺭﮨﺎ ﮨﮯ، ﺑﮭﺎﺭﺕ ﺍﺳﮯ ﺟﮭﭩﮏ ﺭﮨﺎ ﮨﮯ۔ ﺍﺱ ﺳﮯ ﭘﮩﻠﮯ ﭘﺎﮐﺴﺘﺎﻥ ﮐﮯ ﺧﻼﻑ ﺍﻟﺰﺍﻡ ﺗﺮﺍﺷﯽ ﮐﯽ ﺟﺎﺗﯽ ﺗﮭﯽ، ﯾﮧ ﭘﺎﮐﺴﺘﺎﻥ ﮐﯽ ﺑﮍﯼ ﮐﺎﻣﯿﺎﺑﯽ ﮨﮯ۔ ﮨﻢ ﺍﻣﻦ ﮐﮯ ﺳﺎﺗﮫ ﺭﮨﯿﮟ ﮔﮯ، ﮨﻢ ﺑﮭﺎﺭﺕ ﮐﮯ ﺍﻣﻦ ﭘﺴﻨﺪﻭﮞ ﺳﮯ ﮐﮩﯿﮟ ﮔﮯ ﮐﮧ ﻭﮦ ﺍﭘﻨﯽ ﺣﮑﻮﻣﺖ ﮐﺎ ﮐﺮﺩﺍﺭ ﺩﯾﮑﮭﯿﮟ ﺍﻭﺭ ﺍﺱ ﮐﯽ ﺳﻮﭺ ﮐﯽ ﻣﺬﻣﺖ ﮐﺮﯾﮟ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﮐﺮﺗﺎﺭ ﭘﻮﺭ ﺳﺮﺣﺪ ﮐﮯ ﻣﻌﺎﻣﻠﮯ ﭘﺮ ﺑﮭﺎﺭﺗﯽ ﭘﻨﺠﺎﺏ ﺍﻭﺭ ﺩﮨﻠﯽ ﮐﮯ ﺩﺭﻣﯿﺎﻥ ﻧﻮﮎ ﺟﮭﻮﻧﮏ ﭼﻞ ﺭﮨﯽ ﮨﮯ، ﮐﺮﺗﺎﺭﭘﻮﺭ ﮐﮭﻠﻨﺎ ﺑﮭﺎﺭﺗﯽ ﭘﻨﺠﺎﺏ ﮐﮯ ﻋﻮﺍﻡ ﮐﮯ ﻣﻔﺎﺩ ﻣﯿﮟ ﮨﮯ، ﮨﻢ ﭘﻮﺭﯼ ﻃﺮﺡ ﺗﯿﺎﺭ ﮨﯿﮟ ﺍﻭﺭ ﭼﺎﮨﺘﮯ ﮨﯿﮟ ﮐﮧ ﺑﺎﺭﮈﺭ ﮐﮭﻮﻝ ﮐﺮ ﻣﺬﮨﺒﯽ ﻋﺒﺎﺩﺍﺕ ﮐﯽ ﺍﺩﺍﺋﯿﮕﯽ ﮐﮯ ﻟﺌﮯ ﺁﻧﮯ ﻭﺍﻟﮯ ﺳﮑﮭﻮﮞ ﮐﻮ ﺳﮩﻮﻟﺖ ﻓﺮﺍﮨﻢ ﮐﯽ ﺟﺎﺋﮯ، ﮨﻢ ﻧﮯ ﺍﺱ ﺣﻮﺍﻟﮯ ﺳﮯ ﻣﮑﻤﻞ ﻃﺮﯾﻘﮧ ﮐﺎﺭ ﻭﺿﻊ ﮐﺮ ﻟﯿﺎ ﮨﮯ ﺍﻭﺭ ﺍﺱ ﺣﻮﺍﻟﮯ ﺳﮯ ﺍﻧﺘﻈﺎﻣﺎﺕ ﻣﮑﻤﻞ ﮐﺮ ﻟﺌﮯ ﮨﯿﮟ۔ ﺑﮭﺎﺭﺕ ﺍﻭﺭ ﭘﺎﮐﺴﺘﺎﻥ ﮐﮯ ﮈﯼ ﺟﯽ ﺍﯾﻢ ﺍﻭﺯ ﮐﮯ ﺩﺭﻣﯿﺎﻥ ﺭﺍﺑﻄﮧ ﺭﮨﺘﺎ ﮨﮯ ﺍﻭﺭ ﻭﮦ ﻏﯿﺮﺳﺮﮐﺎﺭﯼ ﻃﻮﺭ ﭘﺮ ﺍﻧﮩﯿﮟ ﺍﺱ ﺻﻮﺭﺗﺤﺎﻝ ﺳﮯ ﺁﮔﺎﮦ ﮐﺮ ﭼﮑﮯ ﮨﯿﮟ۔ ﺍﺱ ﺣﻮﺍﻟﮯ ﺳﮯ ﺑﮭﺎﺭﺕ ﻧﮯ ﺁﮔﮯ ﺑﮍﮬﻨﺎ ﮨﮯ، ﮨﻢ ﭼﺎﮨﺘﮯ ﮨﯿﮟ ﮐﮧ ﮔﺮﻭﻧﺎﻧﮏ ﮐﮯ 450 ﻭﯾﮟ ﺟﻨﻢ ﺩﻥ ﭘﺮ ﺟﺐ ﺳﮑﮫ ﭘﺎﮐﺴﺘﺎﻥ ﺁﺋﯿﮟ ﺗﻮ ﺍﻧﮩﯿﮟ ﮐﺮﺗﺎ ﺭﭘﻮﺭ ﺑﺎﺭﮈﺭ ﮐﮯ ﺫﺭﯾﻌﮯ ﺳﮩﻮﻟﺖ ﻓﺮﺍﮨﻢ ﮐﯽ ﺟﺎ ﺳﮑﮯ۔ ﻭﺯﯾﺮﺍﻋﻈﻢ ﺧﺎﺭﺟﮧ ﭘﺎﻟﯿﺴﯽ ﭘﺮ ﭘﺎﺭﻟﯿﻤﻨﭧ ﻣﯿﮟ ﺍﭘﻨﺎ ﻭﮌﻥ ﭘﯿﺶ ﮐﺮ ﭼﮑﮯ ﮨﯿﮟ، ﭘﺎﺭﻟﯿﻤﻨﭧ ﺍﺱ ﻭﻗﺖ ﻣﺎﻟﯿﺎﺗﯽ ﺑﻞ ﭘﺮ ﮐﺎﻡ ﮐﺮ ﺭﮨﯽ ﮨﮯ۔ ﻭﺯﯾﺮ ﺧﺎﺭﺟﮧ ﺷﺎﮦ ﻣﺤﻤﻮﺩ ﻗﺮﯾﺸﯽ ﺳﻌﻮﺩﯼ ﻋﺮﺏ ﺍﻭﺭ ﻣﺘﺤﺪﮦ ﻋﺮﺏ ﺍﻣﺎﺭﺍﺕ ﺳﮯ ﻓﻮﺭﯼ ﻭﺍﭘﺴﯽ ﮐﮯ ﺑﻌﺪ ﺍﻗﻮﺍﻡ ﻣﺘﺤﺪﮦ ﮐﯽ ﺟﻨﺮﻝ ﺍﺳﻤﺒﻠﯽ ﻣﯿﮟ ﺷﺮﮐﺖ ﮐﮯ ﻟﺌﮯ ﺭﻭﺍﻧﮧ ﮨﻮ ﮔﺌﮯ ﮨﯿﮟ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﮨﻤﯿﮟ ﺳﯽ ﭘﯿﮏ ﺳﮯ ﺣﺎﺻﻞ ﮨﻮﻧﮯ ﻭﺍﻟﮯ ﺛﻤﺮﺍﺕ ﮐﻮ ﺩﯾﮑﮭﻨﺎ ﮨﻮﮔﺎ ﮐﮧ ﯾﮧ ﺑﻨﯿﺎﺩﯼ ﻃﻮﺭ ﭘﺮ ﮐﻤﯿﻮﻧﯿﮑﯿﺸﻦ ﮐﺎ ﻣﻨﺼﻮﺑﮧ ﮨﮯ ﺟﻦ ﭘﺮ ﺧﺼﻮﺻﯽ ﺍﻗﺘﺼﺎﺩﯼ ﺯﻭﻧﺰ ﻗﺎﺋﻢ ﮐﺌﮯ ﺟﺎﺋﯿﮟ ﮔﮯ، ﻭﮨﺎﮞ ﺻﻨﻌﺘﯿﮟ ﻗﺎﺋﻢ ﮨﻮﮞ ﮔﯽ ﺍﻭﺭ ﮨﻤﺎﺭﮮ ﻻﮐﮭﻮﮞ ﻟﻮﮔﻮﮞ ﮐﻮ ﻣﻼﺯﻣﺘﯿﮟ ﻣﻠﯿﮟ ﮔﯽ۔ ﺳﻌﻮﺩﯼ ﻋﺮﺏ ﮨﻤﺎﺭﮮ ﮨﺎﮞ ﺳﺮﻣﺎﯾﮧ ﮐﺎﺭﯼ ﮐﮯ ﻟﺌﮯ ﺗﯿﺎﺭ ﮨﮯ، ﮨﻢ ﺍﺱ ﮐﺎ ﺧﯿﺮﻣﻘﺪﻡ ﮐﺮﺗﮯ ﮨﯿﮟ، ﺯﯾﺎﺩﮦ ﻟﻮﮒ ﻣﺤﻤﺪ ﻧﻮﺍﺯ ﺷﺮﯾﻒ ﺍﻭﺭ ﺳﻌﻮﺩﯼ ﻋﺮﺏ ﺍﻭﺭ ﻣﺘﺤﺪﮦ ﻋﺮﺏ ﺍﻣﺎﺭﺍﺕ ﮐﯽ ﻗﯿﺎﺩﺕ ﮐﮯ ﺩﺭﻣﯿﺎﻥ ﺗﻌﻠﻘﺎﺕ ﺳﮯ ﺁﮔﺎﮨﯽ ﻧﮩﯿﮟ ﺭﮐﮭﺘﮯ۔ ﺳﻌﻮﺩﯼ ﻋﺮﺏ ﮐﮯ ﺳﺎﺗﮫ ﮨﻤﺎﺭﮮ ﻗﺮﯾﺒﯽ ﺳﭩﺮﯾﭩﺠﮏ ﻣﻔﺎﺩﺍﺕ ﮨﯿﮟ ﺍﻭﺭ ﺍﻥ ﮐﮯ ﺳﺎﺗﮫ ﻣﻌﺎﺷﯽ ﻣﻔﺎﺩﺍﺕ ﮨﯿﮟ۔ ﺍﺱ ﻭﻗﺖ ﺷﺎﮦ ﻋﺒﺪﺍﻟﻠﮧ ﻧﮯ ﻧﻮﺍﺯﺷﺮﯾﻒ ﮐﮯ ﻣﻌﺎﻣﻠﮯ ﭘﺮ ﻣﺪﺍﺧﻠﺖ ﮐﯽ ﺗﮭﯽ ﻟﯿﮑﻦ ﺍﺏ ﻋﻤﺮﺍﻥ ﺧﺎﻥ ﮈﯾﻞ ﮐﺮﻧﮯ ﻭﺍﻟﮯ ﺍ ? ﺩﻣﯽ ﻧﮩﯿﮟ ﮨﯿﮟ، ﮐﻮﺋﯽ ﻋﻤﺮﺍﻥ ﺧﺎﻥ ﮐﻮ ﮐﮩﮯ ﮔﺎ ﺑﮭﯽ ﻧﮩﯿﮟ ﮐﮧ ﻭﮦ ﮈﯾﻞ ﮐﺮﯾﮟ۔ ﻧﻮﺍﺯﺷﺮﯾﻒ ﺍﺗﻨﮯ ﺍﮨﻢ ﻧﮩﯿﮟ ﮨﯿﮟ ﮐﮧ ﻭﮦ ﺍﻥ ﭘﺮ ﺑﺎﺕ ﮐﺮﯾﮟ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﺍﯾﻮﻥ ﻓﯿﻠﮉ ﮐﯿﺲ ﺩﻭ ﺟﻤﻊ ﺩﻭ ﮐﺎ ﻣﻌﺎﻣﻠﮧ ﮨﮯ، ﺍﺱ ﻣﯿﮟ ﺁﭖ ﻧﮯ ﺑﺘﺎﻧﺎ ﮨﮯ ﮐﮧ ﺁﭖ ﮐﮯ ﭘﺎﺱ ﭘﯿﺴﮯ ﺗﮭﮯ ﯾﺎ ﻧﮩﯿﮟ ﺗﮭﮯ، ﺁﭖ ﮐﮯ ﺍﮐﺎ ? ﻧﭧ ﺑﺘﺎ ﺭﮨﮯ ﮨﯿﮟ ﮐﮧ ﭘﯿﺴﮯ ﻧﮩﯿﮟ ﺗﮭﮯ، ﺍﮔﺮ ﭘﯿﺴﮯ ﻧﮩﯿﮟ ﺗﮭﮯ ﺗﻮ ﺁﭖ ﻧﮯ ﯾﮧ ﮐﯿﺴﮯ ﺧﺮﯾﺪﮮ؟ ﻧﯿﺐ ﮐﺎ ﺳﯿﮑﺸﻦ 9 ﻭﺍﺿﺢ ﮨﮯ، ﺍﮔﺮ ﺁﭖ ﺳﺮﮐﺎﺭﯼ ﻋﮩﺪﯾﺪﺍﺭ ﮨﯿﮟ ﺍﻭﺭ ﺁﭖ ﮐﮯ ﭘﺎﺱ ﭘﺮﺍﭘﺮﭨﯽ ﮨﮯ ﺗﻮ ﺁﭖ ﮐﻮ ﺍﺱ ﮐﮯ ﺫﺭﺍﺋﻊ ﺑﺘﺎﻧﮯ ﮨﻮﮞ ﮔﮯ۔ ﺳﺰﺍ ﻣﻌﻄﻞ ﮨﻮﻧﮯ ﮐﯽ ﻣﺠﮭﮯ ﺳﻤﺠﮫ ﻧﮩﯿﮟ ﺁﺋﯽ، ﮨﻤﺎﺭﮮ ﻣﻠﮏ ﻣﯿﮟ ﺳﺎﺋﯿﮑﻞ ﭼﻮﺭ ﮐﻮ ﺗﻮ ﺳﺰﺍ ﻣﻠﺘﯽ ﮨﮯ ﻣﮕﺮ ﺟﮩﺎﺯ ﭼﺮﺍﻧﮯ ﻭﺍﻻ ﺑﭻ ﺟﺎﺗﺎ ﮨﮯ، ﮨﻤﺎﺭﺍ ﻗﺎﻧﻮﻥ ﻣﮑﮍﯼ ﮐﮯ ﺟﺎﻟﮯ ﮐﯽ ﻃﺮﺡ ﮨﮯ ﺟﺲ ﻣﯿﮟ ﭼﮭﻮﭨﯽ ﻣﮑﮭﯽ ﭘﮭﻨﺲ ﺟﺎﺗﯽ ﮨﮯ ﺍﻭﺭ ﺑﮍﯼ ﻣﮑﮭﯿﺎﮞ ﺍﺳﮯ ﺗﻮﮌ ﮐﺮ ﻧﮑﻞ ﺟﺎﺗﯽ ﮨﯿﮟ۔ ﻧﯿﺐ ﮐﯽ ﮐﺎﺭﮐﺮﺩﮔﯽ ﮐﮯ ﺣﻮﺍﻟﮯ ﺳﮯ ﭘﻮﭼﮭﮯ ﮔﺌﮯ ﺳﻮﺍﻝ ﮐﮯ ﺟﻮﺍﺏ ﻣﯿﮟ ﺍﻧﮩﻮﮞ ﻧﮯ ﮐﮩﺎ ﮐﮧ ﺍﯾﮏ ﮐﯿﺲ ﺳﮯ ﮐﺴﯽ ﺍﺩﺍﺭﮮ ﮐﯽ ﮐﺎﺭﮐﺮﺩﮔﯽ ﮐﺎ ﺍﻧﺪﺍﺯﮦ ﻧﮩﯿﮟ ﻟﮕﺎﯾﺎ ﺟﺎ ﺳﮑﺘﺎ، ﺟﺴﭩﺲ ﺟﺎﻭﯾﺪ ﺍﻗﺒﺎﻝ ﻧﮯ ﺟﺐ ﺳﮯ ﯾﮧ ﮐﯿﺲ ﺳﻨﺒﮭﺎﻻ ﮨﮯ، ﯾﮧ ﺑﮍﮮ ﻣﻌﺘﺒﺮ ﻟﻮﮒ ﮨﯿﮟ، ﺩﯾﮑﮭﻨﺎ ﮨﻮﮔﺎ ﮐﮧ ﺍﺱ ﮐﯿﺲ ﻣﯿﮟ ﮐﯿﺎ ﺳﻘﻢ ﺭﮦ ﮔﯿﺎ، ﭘﺮﺍﺳﯿﮑﯿﻮﭨﺮ ﺍﮐﺮﻡ ﻗﺮﯾﺸﯽ ﺑﮭﯽ ﻗﺎﺑﻞ ﻭﮐﯿﻞ ﮨﯿﮟ، ﯾﮧ ﮐﮩﻨﺎ ﮐﮧ ﻧﯿﺐ ﻧﮯ ﮐﻮﺋﯽ ﮐﻤﯽ ﭼﮭﻮﮌﯼ ﮨﮯ ﺩﺭﺳﺖ ﻧﮩﯿﮟ ﮨﻮﮔﺎ۔ ﻣﺮﯾﻢ ﻧﻮﺍﺯ ﮐﻮ ﺧﺎﺗﻮﻥ ﮨﻮﻧﮯ ﮐﺎ ﺍﯾﮉﻭﺍﻧﭩﯿﺞ ﺣﺎﺻﻞ ﮨﮯ ﺗﺎﮨﻢ ﺍﺱ ﺳﮯ ﯾﮧ ﺗﺎﺛﺮ ﮔﯿﺎ ﮨﮯ ﮐﮧ ﻃﺎﻗﺘﻮﺭ ﮐﮯ ﻟﺌﮯ ﻗﺎﻧﻮﻥ ﻣﺨﺘﻠﻒ ﮨﮯ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﻧﻮﺍﺯ ﺷﺮﯾﻒ ﮐﺎ ﺁﻧﺎ ﺟﺎﻧﺎ ﻟﮕﺎ ﺭﮨﮯ ﮔﺎ، ﺍﺱ ﻣﻘﺪﻣﮯ ﮐﮯ ﺩﻭ ﺣﺼﮯ ﺗﮭﮯ، ﺩﻭﺳﺮﮮ ﺣﺼﮯ ﻣﯿﮟ ﯾﮧ ﺍﻟﺰﺍﻡ ﻟﮕﺎﯾﺎ ﮔﯿﺎ ﺗﮭﺎ ﮐﮧ ﯾﮧ ﭘﯿﺴﮧ ﮐﺮﭘﺸﻦ ﮐﺎ ﮨﮯ، ﺍﻧﮩﯿﮟ ﯾﮧ ﺛﺎﺑﺖ ﮐﺮﻧﺎ ﺗﮭﺎ ﮐﮧ ﯾﮧ ﭘﯿﺴﮧ ﮐﺮﭘﺸﻦ ﺳﮯ ﻧﮩﯿﮟ ﮐﻤﺎﯾﺎ ﺍﻭﺭ ﯾﮧ ﺛﺎﺑﺖ ﮐﺮﻧﺎ ﻣﻠﺰﻡ ﮐﯽ ﺫﻣﮧ ﺩﺍﺭﯼ ﺗﮭﯽ ﮐﮧ ﻭﮦ ﺛﺎﺑﺖ ﮐﺮﺗﺎ ﮐﮧ ﯾﮧ ﺟﺎﺋﺰﮦ ﭘﯿﺴﮯ ﺗﮭﮯ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﻋﺠﯿﺐ ﺑﺎﺕ ﮨﮯ ﮐﮧ ﺁﺻﻒ ﺯﺭﺩﺍﺭﯼ ﺳﮯ ﺳﭙﺮﯾﻢ ﮐﻮﺭﭦ ﻧﮯ ﭘﻮﭼﮭﺎ ﮨﮯ ﮐﮧ ﭘﯿﺴﮯ ﮐﮩﺎﮞ ﺳﮯ ﺁﺋﮯ ﺗﻮ ﻭﮦ ﮐﮩﮧ ﺭﮨﮯ ﮨﯿﮟ ﮐﮧ ﯾﮧ ﺗﻮ ﺑﯿﻨﻈﯿﺮ ﺑﮭﭩﻮ ﮐﯽ ﻗﺒﺮ ﮐﺎ ﭨﺮﺍﺋﻞ ﮨﻮ ﮔﺎ، ﻧﻮﺍﺯ ﺷﺮﯾﻒ ﺳﮯ ﭘﻮﭼﮭﺘﮯ ﮨﯿﮟ ﺗﻮ ﻭﮦ ﮐﮩﺘﮯ ﮨﯿﮟ ﮐﮧ ﯾﮧ ﺑﮍﺍ ﻇﻠﻢ ﮨﮯ، ﻣﯿﮟ ﻧﮯ ﺍﯾﭩﻤﯽ ﺩﮬﻤﺎﮐﮧ ﮐﯿﺎ، ﮔﯿﺎﺭﮦ ﺳﺎﻝ ﺣﮑﻮﻣﺖ ﮐﯽ ﭘﮭﺮ ﺑﮭﯽ ﻣﺠﮫ ﺳﮯ ﺳﻮﺍﻻﺕ ﮐﺌﮯ ﺟﺎ ﺭﮨﮯ ﮨﯿﮟ۔ ﻧﯿﺐ ﻧﮯ ﺍﻥ ﻣﻘﺪﻣﺎﺕ ﻣﯿﮟ ﺍﺑﮭﯽ ﭘﺮﺍﺳﯿﮑﯿﻮﭨﺮ ﮐﻮ ﺗﺒﺪﯾﻞ ﮐﯿﺎ ﮨﮯ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﻧﻮﺍﺯ ﺷﺮﯾﻒ ﮐﮯ ﺧﺎﻧﺪﺍﻥ ﮐﯽ ﺳﯿﺎﺳﺖ ﺧﺘﻢ ﮨﻮ ﭼﮑﯽ ﮨﮯ، ﻧﻮﺍﺯ ﺷﺮﯾﻒ ﮐﮯ ﺟﯿﻞ ﺳﮯ ﺑﺎﮨﺮ ﺁﻧﮯ ﺳﮯ ﺿﻤﻨﯽ ﺍﻧﺘﺨﺎﺑﺎﺕ ﭘﺮ ﮐﻮﺋﯽ ﺍﺛﺮ ﻧﮩﯿﮟ ﭘﮍﮮ ﮔﺎ، ﭘﮩﻠﮯ ﺷﮩﺒﺎﺯ ﺷﺮﯾﻒ ﺳﯿﺎﺳﺖ ﮐﺮ ﺭﮨﮯ ﺗﮭﮯ، ﺍﺏ ﻣﺮﯾﻢ ﺑﮭﯽ ﮐﺮ ﮐﮯ ﺩﯾﮑﮫ ﻟﯿﮟ، ﺳﯿﺎﺳﺖ ﮐﺮﻧﺎ ﺍﻥ ﮐﺎ ﺣﻖ ﮨﮯ۔ ﺷﺎﻧﮕﻠﮧ ﻣﯿﮟ ﺿﻤﻨﯽ ﺍﻧﺘﺨﺎﺑﺎﺕ ﻣﯿﮟ ﺷﻮﮐﺖ ﯾﻮﺳﻔﺰﺋﯽ ﭘﮩﻠﮯ ﺳﮯ ﺯﯾﺎﺩﮦ ﺑﮭﺎﺭﯼ ﺍﮐﺜﺮﯾﺖ ﺳﮯ ﺟﯿﺘﮯ ﮨﯿﮟ۔ ﺍﻧﺘﺨﺎﺑﺎﺕ ﻣﯿﮟ ﻭﮦ ﮨﻤﺎﺭﺍ ﻣﻘﺎﺑﻠﮧ ﻧﮩﯿﮟ ﮐﺮ ﺳﮑﺘﮯ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﺑﺮﻃﺎﻧﯿﮧ ﮐﮯ ﺳﺎﺗﮫ ﻣﻠﺰﻣﺎﻥ ﮐﻮ ﻭﺍﭘﺲ ﻻﻧﮯ ﮐﮯ ﻟﺌﮯ ﻃﺮﯾﻘﮧ ﮐﺎﺭ ﻃﮯ ﮐﯿﺎ ﮨﮯ، ﺍﺳﺤﺎﻕ ﮈﺍﺭ ﮐﻮ ﻭﻃﻦ ﻭﺍﭘﺲ ﻻﺋﯿﮟ ﮔﮯ۔ ﻧﻮﺍﺯ ﺷﺮﯾﻒ ﮐﺎ ﻧﺎﻡ ﺟﺐ ﮨﻢ ﻧﮯ ﺍﯼ ﺳﯽ ﺍﯾﻞ ﻣﯿﮟ ﮈﺍﻻ ﺗﻮ ﺗﻨﻘﯿﺪ ﮐﯽ ﮔﺌﯽ ﮐﮧ ﮨﻢ ﻧﮯ ﺍﯾﺴﺎ ﮐﯿﻮﮞ ﮐﯿﺎ ﮨﮯ ﻟﯿﮑﻦ ﺍﺏ ﻭﮦ ﺟﯿﻞ ﺳﮯ ﺑﺎﮨﺮ ﺁ ﮔﺌﮯ ﮨﯿﮟ، ﺍﮔﺮ ﺍﻥ ﮐﺎ ﻧﺎﻡ ﺍﯼ ﺳﯽ ﺍﯾﻞ ﻣﯿﮟ ﻧﮧ ﮨﻮﺗﺎ ﺗﻮ ﻭﮦ ﺭﺍﺗﻮﮞ ﺭﺍﺕ ﻣﻠﮏ ﺳﮯ ﺑﺎﮨﺮ ﭼﻠﮯ ﺟﺎﺗﮯ۔ ﺍﺳﺤﺎﻕ ﮈﺍﺭ ﮐﺎ ﺭﯾﮉ ﻭﺍﺭﻧﭧ ﺟﺎﺭﯼ ﮨﻮﺍ ﮨﮯ، ﺍﺳﺤﺎﻕ ﮈﺍﺭ ﺍﻭﺭ ﺣﺴﻦ ﺍﻭﺭ ﺣﺴﯿﻦ ﺟﻠﺪ ﻗﺎﻧﻮﻥ ﮐﯽ ﮔﺮﻓﺖ ﻣﯿﮟ ﮨﻮﮞ ﮔﮯ۔ ﺑﺮﻃﺎﻧﯿﮧ ﻧﮯ ﺣﺎﻝ ﻣﯿﮟ ﺍﯾﮏ ﭘﺎﮐﺴﺘﺎﻧﯽ ﮐﮯ ﺧﻼﻑ ﮐﺎﺭﺭﻭﺍﺋﯽ ﮐﯽ ﮨﮯ۔ ﭘﺎﮐﺴﺘﺎﻥ ﺍﻭﺭ ﺑﺮﻃﺎﻧﯿﮧ ﮐﮯ ﺩﺭﻣﯿﺎﻥ ﺣﺎﻟﯿﮧ ﺍﻋﻼﻣﯿﮧ ﭘﺮ ﺟﻠﺪ ﭘﯿﺸﺮﻓﺖ ﮨﻮﮔﯽ، ﮨﻢ ﺳﻮﺋﺰﺭﻟﯿﻨﮉ ﺳﮯ ﺑﮭﯽ ﻣﻌﺎﮨﺪﮦ ﮐﺮ ﺭﮨﮯ ﮨﯿﮟ ﺟﺲ ﮐﮯ ﺑﻌﺪ ﮨﻤﯿﮟ ﺳﻮﺋﺲ ﺑﯿﻨﮑﻮﮞ ﺗﮏ ﺑﮭﯽ ﺭﺳﺎﺋﯽ ﺣﺎﺻﻞ ﮨﻮﮔﯽ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﺩﻧﯿﺎ ﺑﮭﺮ ﻣﯿﮟ ﻣﻨﯽ ﻻﻧﮉﺭﻧﮓ ﭘﺮ ﺑﺤﺚ ﭼﻞ ﺭﮨﯽ ﮨﮯ۔ ﭘﺎﻧﺎﻣﺎ ﮐﺎ ﻣﻌﺎﻣﻠﮧ ﺳﺎﻣﻨﮯ ﺁﻧﮯ ﮐﮯ ﺑﻌﺪ ﻣﻐﺮﺑﯽ ﻣﻤﺎﻟﮏ ﻣﯿﮟ ﻣﻌﻠﻮﻡ ﮨﻮﺍ ﮐﮧ ﺗﯿﺴﺮﯼ ﺩﻧﯿﺎ ﮐﮯ ﻣﻤﺎﻟﮏ ﮐﮯ ﻟﻮﮒ ﭘﯿﺴﮯ ﻟﻮﭨﺘﮯ ﮨﯿﮟ ﺍﻭﺭ ﯾﮩﺎﮞ ﺳﺮﻣﺎﯾﮧ ﮐﺎﺭﯼ ﮐﺮﺗﮯ ﮨﯿﮟ، ﭘﺎﮐﺴﺘﺎﻥ ﮐﮯ ﮨﺮ ﺣﮑﻤﺮﺍﻥ ﮐﺎ ﮔﮭﺮ ﻟﻨﺪﻥ ﻣﯿﮟ ﮨﮯ، ﺍﻥ ﮐﮯ ﭘﺎﺱ ﺍﺗﻨﺎ ﭘﯿﺴﮧ ﮐﮩﺎﮞ ﺳﮯ ﺁﯾﺎ، ﺍﺱ ﮐﯽ ﺗﺤﻘﯿﻘﺎﺕ ﺿﺮﻭﺭﯼ ﮨﯿﮟ۔ ﺍﺱ ﺣﻮﺍﻟﮯ ﺳﮯ ﺑﺮﻃﺎﻧﯿﮧ ﭘﺮ ﺍﻧﺪﺭ ﺳﮯ ﺑﮭﯽ ﺩﺑﺎ ? ﮨﮯ ﮐﮧ ﻭﮦ ﻗﺎﻧﻮﻥ ﺳﺎﺯﯼ ﮐﺮﮮ۔ ﺍﺳﺤﺎﻕ ﮈﺍﺭ ﺍﻭﺭ ﺳﺎﺑﻖ ﭼﯿﺌﺮﻣﯿﻦ ﺍﯾﻒ ﺑﯽ ﺁﺭ ﻧﮯ ﺑﯿﺎﻥ ﺩﯾﺎ ﺗﮭﺎ ﮐﮧ 200 ﺍﺭﺏ ﮈﺍﻟﺮ ﭘﺎﮐﺴﺘﺎﻥ ﺳﮯ ﺑﺎﮨﺮ ﮔﺌﮯ ﮨﯿﮟ، ﺍﺏ ﺩﯾﮑﮭﻨﺎ ﮨﻮﮔﺎ ﮐﮧ ﯾﮧ ﮐﯿﺴﮯ ﮨﻮﺍ۔ ﺍﺳﺤﺎﻕ ﮈﺍﺭ، ﺣﺴﻦ ﺍﻭﺭ ﺣﺴﯿﻦ ﮐﻮ ﻭﻃﻦ ﻭﺍﭘﺲ ﻻﻧﮯ ﮐﮯ ﻟﺌﮯ ﺑﺮﻃﺎﻧﯿﮧ ﺳﮯ ﺭﺍﺑﻄﮯ ﻣﯿﮟ ﮨﯿﮟ، ﺑﺮﻃﺎﻧﯿﮧ ﮐﮯ ﺳﺎﺗﮫ ﮨﻤﺎﺭﮮ ﻋﻮﺍﻡ ﮐﯽ ﺳﻄﺢ ﭘﺮ ﺗﻌﻠﻘﺎﺕ ﮨﯿﮟ، ﺟﻮ ﺍﮨﻤﯿﺖ ﮐﮯ ﺣﺎﻣﻞ ﮨﯿﮟ، ﮨﻤﯿﮟ ﺍﻣﯿﺪ ﮨﮯ ﮐﮧ ﺑﺮﻃﺎﻧﯿﮧ ﻣﯿﮟ ﭘﺎﮐﺴﺘﺎﻥ ﮐﺎ ﭘﯿﺴﮧ ﮨﮯ ﺍﻭﺭ ﺍﺱ ﺣﻮﺍﻟﮯ ﺳﮯ ﺑﺮﻃﺎﻧﯿﮧ ﮨﻢ ﺳﮯ ﺗﻌﺎﻭﻥ ﮐﺮﮮ ﮔﺎ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﮨﻢ ﮨﺮ ﭼﯿﺰ ﮐﻮ ﻭﻭﭦ ﮐﮯ ﺗﻨﺎﻇﺮ ﻣﯿﮟ ﺩﯾﮑﮭﺘﮯ ﮨﯿﮟ، ﮨﻢ ﮐﮩﺘﮯ ﮨﯿﮟ ﮐﮧ ﺟﻮ ﻣﯿﺮﺍ ﻭﻭﭨﺮ ﻧﮩﯿﮟ ﮨﮯ ﺍﺳﮯ ﺍﭨﮭﺎ ﮐﺮ ﭘﮭﯿﻨﮏ ﺩﯾﮟ ﻟﯿﮑﻦ ﻭﺯﯾﺮﺍﻋﻈﻢ ﻧﮯ ﮐﮩﺎ ﮐﮧ ﺍﻓﻐﺎﻧﻮﮞ ﺍﻭﺭ ﺑﻨﮕﺎﻟﯿﻮﮞ ﮐﮯ ﻣﻌﺎﻣﻠﮯ ﮐﻮ ﺍﻧﺴﺎﻧﯿﺖ ﮐﮯ ﺗﻨﺎﻇﺮ ﻣﯿﮟ ﺩﯾﮑﮭﯿﮟ، ﺑﭽﮯ ﯾﮩﺎﮞ ﭘﺮ ﭘﯿﺪﺍ ﮨﻮﺋﮯ ﮨﯿﮟ، ﺍﻥ ﮐﯽ ﺗﯿﺴﺮﯼ ﻧﺴﻞ ﮨﮯ، ﮨﻢ ﻧﮯ ﺍﻥ ﮐﻮ ﺧﯿﻤﻮﮞ ﺗﮏ ﻣﺤﺪﻭﺩ ﮐﯿﺎ ﮨﻮﺍ ﮨﮯ، ﺍﻥ ﮐﮯ ﭘﺎﺱ ﺳﮑﻮﻝ ﺍﻭﺭ ﺭﻭﺯﮔﺎﺭ ﮐﯽ ﺳﮩﻮﻟﺖ ﻧﮩﯿﮟ ﮨﮯ ﺍﻭﺭ ﻧﮧ ﮨﯽ ﺍﻥ ﮐﺎ ﭘﺎﮐﺴﺘﺎﻥ ﮐﯽ ﻣﻌﯿﺸﺖ ﺍﻭﺭ ﻣﻌﺎﺷﺮﮮ ﻣﯿﮟ ﮐﻮﺋﯽ ﮐﺮﺩﺍﺭ ﮨﮯ، ﺍﻧﮩﯿﮟ ﺳﺴﭩﻢ ﻣﯿﮟ ﺷﺎﻣﻞ ﮐﺮﻧﺎ ﭼﺎﮨﯿﮯ، ﺍﺱ ﭘﺮ ﺳﺐ ﺳﮯ ﭘﮩﻠﮯ ﻟﺒﺮﻝ ﭘﺎﺭﭨﯽ ﭘﯿﭙﻠﺰ ﭘﺎﺭﭨﯽ ﻧﮯ ﻣﺨﺎﻟﻔﺖ ﮐﯽ۔ ﺍﺱ ﺣﻮﺍﻟﮯ ﺳﮯ ﺳﺐ ﮐﮯ ﻟﺌﮯ ﯾﮑﺴﺎﮞ ﭘﺎﻟﯿﺴﯽ ﺗﺸﮑﯿﻞ ﺩﯼ ﺟﺎﺋﮯ ﮔﯽ۔ ﺟﻮ ﭘﺎﺭﭨﯿﺎﮞ ﺍﺱ ﮐﮯ ﺧﻼﻑ ﮨﯿﮟ ﺍﻥ ﺳﮯ ﭘﻮﭼﮭﺎ ﮨﮯ ﮐﮧ ﻭﮦ ﺍﺱ ﺣﻮﺍﻟﮯ ﺳﮯ ﺑﺘﺎ ﺩﯾﮟ ﮐﮧ ﮐﯿﺎ ﮐﯿﺎ ﺟﺎﺋﮯ، ﺁﭖ ﺍﭘﻨﯽ ﺗﯿﺲ ﺳﺎﻟﮧ ﺣﮑﻮﻣﺖ ﮐﮯ ﺩﻭﺭﺍﻥ ﺍﻥ ﮐﻮ ﻧﮩﯿﮟ ﻧﮑﺎﻝ ﺳﮑﮯ۔ ﯾﻮ ﺍﯾﻦ ﺍﯾﭻ ﺳﯽ ﺁﺭ ﮐﮯ ﻗﻮﺍﻧﯿﻦ ﮐﮯ ﺗﺤﺖ ﮨﻢ ﺍﻧﮩﯿﮟ ﻧﮩﯿﮟ ﻧﮑﺎﻝ ﺳﮑﺘﮯ، ﺍﻋﺘﺮﺍﺽ ﮐﺮﻧﮯ ﻭﺍﻟﯽ ﺟﻤﺎﻋﺘﻮﮞ ﮐﮯ ﭘﺎﺱ ﺍﮔﺮ ﺍﺱ ﺳﮯ ﺑﮩﺘﺮ ﮐﻮﺋﯽ ﭘﺎﻟﯿﺴﯽ ﮨﮯ ﺗﻮ ﮨﻤﯿﮟ ﺑﺘﺎﺋﯿﮟ۔ ﺑﻌﺾ ﻗﻮﻣﯽ ﺍﻣﻮﺭ ﭘﺮ ﺗﻤﺎﻡ ﺳﯿﺎﺳﯽ ﺟﻤﺎﻋﺘﻮﮞ ﮐﻮ ﺳﯿﺎﺳﺖ ﺳﮯ ﺑﺎﻻﺗﺮ ﮨﻮ ﮐﺮ ﺳﻮﭼﻨﺎ ﭼﺎﮨﯿﮯ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﺫﻟﻔﯽ ﺑﺨﺎﺭﯼ 13-2012 ﺳﮯ ﭘﺎﮐﺴﺘﺎﻥ ﺗﺤﺮﯾﮏ ﺍﻧﺼﺎﻑ ﮐﺎ ﺣﺼﮧ ﮨﯿﮟ، ﭘﯽ ﭨﯽ ﺁﺋﯽ ﮐﯽ ﻓﻨﮉ ﺭﯾﺰﻧﮓ ﻣﯿﮟ ﺣﺼﮧ ﻟﯿﺎ، ﻭﮦ ﻧﻤﺎﯾﺎﮞ ﺍﻭﻭﺭﺳﯿﺰ ﭘﺎﮐﺴﺘﺎﻧﯿﺰ ﻣﯿﮟ ﺷﺎﻣﻞ ﮨﯿﮟ، ﺍﻧﮩﻮﮞ ﻧﮯ ﺑﺮﻃﺎﻧﯿﮧ ﻣﯿﮟ ﭘﺎﺭﭨﯽ ﮐﮯ ﻟﺌﮯ ﻧﻤﺎﯾﺎﮞ ﺧﺪﻣﺎﺕ ﺳﺮﺍﻧﺠﺎﻡ ﺩﯾﮟ، ﺍﻥ ﮐﺎ ﭘﺎﮐﺴﺘﺎﻥ ﻣﯿﮟ ﮐﻮﺋﯽ ﺑﺰﻧﺲ ﻧﮩﯿﮟ ﮨﮯ ﺑﻠﮑﮧ ﺑﺮﻃﺎﻧﯿﮧ ﻣﯿﮟ ﮨﮯ، ﻭﮦ ﻭﺯﯾﺮﺍﻋﻈﻢ ﮐﮯ ﻣﻌﺎﻭﻥ ﺧﺼﻮﺻﯽ ﮨﯿﮟ، ﮨﻢ ﺍﻭﻭﺭﺳﯿﺰ ﭘﺎﮐﺴﺘﺎﻧﯿﺰ ﮐﻮ ﺭﯾﮍﮪ ﮐﯽ ﮨﮉﯼ ﺳﻤﺠﮭﺘﮯ ﮨﯿﮟ، ﮨﻢ ﻧﮯ ﻭﺯﺍﺭﺕ ﺍﻭﻭﺭﺳﯿﺰ ﭘﺎﮐﺴﺘﺎﻧﯿﺰ ﮐﻮ ﻓﻌﺎﻝ ﮐﺮﻧﮯ ﺍﻭﺭ ﺑﯿﺮﻭﻥ ﻣﻠﮏ ﻣﻘﯿﻢ ﭘﺎﮐﺴﺘﺎﻧﯿﻮﮞ ﮐﮯ ﺩﺭﻣﯿﺎﻥ ﻣﻠﮏ ﮐﺎ ﮐﺮﺩﺍﺭ ﺍﺩﺍ ﮐﺮﻧﮯ ﮐﮯ ﻟﺌﮯ ﺍﻧﮩﯿﮟ ﯾﮧ ﻋﮩﺪﮦ ﺩﯾﺎ۔ ﻧﻮﺍﺯ ﺷﺮﯾﻒ ﻧﮯ ﮨﻤﯿﺸﮧ ﻣﻨﯽ ﻻﻧﮉﺭﻧﮓ ﮐﺮﻧﮯ ﻭﺍﻟﻮﮞ ﮐﻮ ﺍﭘﻨﮯ ﺳﺎﺗﮫ ﻣﻼﯾﺎ ﻟﯿﮑﻦ ﻭﺯﯾﺮﺍﻋﻈﻢ ﻋﻤﺮﺍﻥ ﺧﺎﻥ ﻧﮯ ﻧﮧ ﮨﯽ ﺭﺷﻮﺕ ﻟﯿﻨﯽ ﮨﮯ ﺍﻭﺭ ﻧﮧ ﮨﯽ ﮐﺴﯽ ﮐﻮ ﻟﯿﻨﮯ ﺩﯾﻨﯽ ﮨﮯ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﻧﻌﯿﻢ ﺍﻟﺤﻖ 22 ﺳﺎﻝ ﭘﺮﺍﻧﮯ ﺳﺎﺗﮭﯽ ﮨﯿﮟ، ﻋﻮﻥ ﭼﻮﮨﺪﺭﯼ ﮐﺌﯽ ﺳﺎﻝ ﺳﮯ ﺍﻥ ﮐﮯ ﺳﺎﺗﮫ ﮨﯿﮟ، ﺩﻭﺳﺘﻮﮞﮑﻮ ﻧﻮﺍﺯﻧﮯ ﮐﯽ ﺑﺎﺕ ﻏﻠﻂ ﮨﮯ۔ ﺍﺑﮭﯽ ﮨﻤﯿﮟ ﺗﮭﻮﮌﮮ ﺩﻥ ﮨﻮﺋﮯ ﮨﯿﮟ، ﭘﻨﺠﺎﺏ ﻣﯿﮟ ﺑﯿﻮﺭﻭ ﮐﺮﯾﺴﯽ ﺗﺒﺪﯾﻞ ﻧﮩﯿﮟ ﮨﻮﺋﯽ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﮈﭘﭩﯽ ﮐﻤﺸﻨﺮﺯ ﮐﺎ ﺑﺮﺍﮦ ﺭﺍﺳﺖ ﺧﻂ ﻟﮑﮭﻨﺎ ﻏﻠﻂ ﺗﮭﺎ، ﺍﻧﮩﯿﮟ ﺍﭘﻨﮯ ﺍﻓﺴﺮﺍﻥ ﮐﻮ ﺁﮔﺎﮦ ﮐﺮﻧﺎ ﭼﺎﮨﯿﮯ ﺗﮭﺎ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﺑﯿﻮﺭﻭ ﮐﺮﯾﺴﯽ ﮐﻮ ﻣﻨﺘﺨﺐ ﻧﻤﺎﺋﻨﺪﻭﮞ ﮐﮯ ﻗﺎﻧﻮﻧﯽ ﮐﺎﻡ ﮐﺮﻧﮯ ﮨﻮﮞ ﮔﮯ ﺍﻭﺭ ﺍﻧﮩﯿﮟ ﺳﯿﺎﺳﯽ ﻣﺪﺍﺧﻠﺖ ﻗﺮﺍﺭ ﺩﯾﻨﺎ ﻏﻠﻂ ﮨﻮ ﮔﺎ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﻣﯿﮉﯾﺎ ﮐﮯ ﻟﺌﮯ ﯾﻮﻧﯿﻮﺭﺳﭩﯽ ﺑﻨﺎ ﺭﮨﮯ ﮨﯿﮟ، ﻣﯿﮉﯾﺎ ﮐﻮ ﺣﻘﺎﺋﻖ ﭘﯿﺶ ﮐﺮﻧﮯ ﭼﺎﮨﺌﯿﮟ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﻭﺯﯾﺮﺍﻋﻈﻢ ﻋﻤﺮﺍﻥ ﺧﺎﻥ ﺧﻮﺩ ﮐﻔﺎﯾﺖ ﺷﻌﺎﺭﯼ ﻣﮩﻢ ﭘﺮ ﻋﻤﻞ ﮐﺮ ﺭﮨﮯ ﮨﯿﮟ، ﻭﮦ ﮔﯿﺎﺭﮦ ﺳﻮ ﮐﻨﺎﻝ ﮐﺎ ﻭﺯﯾﺮﺍﻋﻈﻢ ﮨﺎﺋﻮﺱ ﭼﮭﻮﮌ ﮐﺮ ﺗﯿﻦ ﺑﯿﮉﺭﻭﻡ ﮐﮯ ﮔﮭﺮ ﻣﯿﮟ ﺭﮦ ﺭﮨﮯ ﮨﯿﮟ۔ ﻭﺯﯾﺮﺍﻋﻈﻢ ﮨﺎﺋﻮﺱ ﻣﯿﮟ 529 ﻣﻼﺯﻣﯿﻦ ﺗﮭﮯ ﺍﻥ ﮐﻮ ﭼﮭﻮﮌ ﮐﺮ 4 ﻣﻼﺯﻣﯿﻦ ﺭﮐﮭﮯ ﮨﻮﺋﮯ ﮨﯿﮟ۔ 103 ﮔﺎﮌﯾﻮﮞ ﮐﻮ ﻧﯿﻼﻣﯽ ﭘﺮ ﻟﮕﺎﯾﺎ، ﺟﻦ ﻣﯿﮟ ﺳﮯ 61 ﺑﮏ ﮔﺌﯽ ﮨﯿﮟ ﺟﺒﮑﮧ ﺑﺎﻗﯽ ﺟﻠﺪ ﻧﯿﻼﻣﯽ ﮨﻮﮔﯽ